雖然我係香港人，但香港既經典電影（例如《胭脂扣》、《甜蜜蜜》、《阿飛正傳》、《重慶森林》、《花樣年華》、《秋天的童話》...）都係呢幾年廿幾歲人先開始睇
九十年代真係有好多出色既香港電影.. 我對呢d 電影有相逢恨晚既感覺
可恨爸媽唔識欣賞呢d 電影
佢地都唔鍾意睇電影
點講呢？
佢地只會因為明星、潮流而去戲院睇一套戲，或者純粹視之為社交消遣活動
而我就剛好相反，我喜歡睇文藝片多過商業片
不過就算佢地當年帶我入戲院睇呢d 電影，仲係小學生既我識唔識欣賞呢？

講番《去年煙花特別多》電影本身。
我而家睇番的確比較多感觸
因為最近一、兩年對香港和大陸之間的文化理念衝突同我既日常生活已經有不能分割既關係
對好多香港人黎講，呢個問題既嚴重性同受關注程度都係回歸以來最高既一年吧



電影背景是寫實的，導演把當年街上的燈飾、煙花、電車／的士內、電視新聞片段、電台節目剪輯加插在電影....


1997年的我，小學二年級。
對當年有關回歸的記憶只有在家中看青馬大橋開幕禮直播的畫面
我還記得第二天和鄰座同學說前一晚的煙花怎樣怎樣
七一回歸正日既新聞，我倒是沒甚麼印象
反而Princess Diana既死訊我的印象還比較深　（Surprise?）
關於九七前香港的回憶，大概只有街上還有無牌熟食小販的畫面
放學後，在家附近和工人一齊去督魚蛋、食格仔餅、雞蛋仔
好像有點離題，不過我想說的其實是當年七一回歸跟我沒甚麼關係
我的家人也沒打算移民
反而九七後的金融風暴對我有顛覆人生的重大影響（那又是後話）
所以啊（又回到電影本身），電影以一班退伍英軍既中年男人作perspective去睇回歸呢件事，
我本人當年根本完全感受唔到，無共鳴。
不過，2012年第一次睇呢部電影既我，認識到自己這兩年身份認同問題既歷史

電影表面上是說一群一夜失業的華藉英軍的中年失業危機
從呢班退伍軍人既感受看到香港人集體既感受
中年危機比喻的是香港作為一個「中年」，本來係經濟繁榮、在亞洲數一數二的大都市，突然轉老細、集體失業／失去自己了。
英國事頭走了，我們被遺棄了那種被背叛的憤怒和對前路茫然的不知所措、
對無權控制自己命運的無奈，想怪人都唔知可以怪邊個好既感受好深刻－－

A： 「最衰都係班英國佬，攪到我地變"問題成年"」
B：「你又唔去鬧滿清政府，將香港簽畀英國人，又唔簽耐D，得個百幾年！簽耐D呀，就唔駛阻住我地呢一代啦」
C：「英國佬唔收我地唔緊要喎，最緊要徹退前應承幫我地搵工，轉做其他公務員」

不只是97年代，香港人從開埠以來就懂「變通」
此路不通，就轉行第二條路囉！邊度有飯開、邊度有工做，就撈邊度。 
所以，電影入面有「華人英軍同黑社會都係同一回事」、「當兵、炒股票、打劫都一樣姐」等看似荒謬絕倫但原來都符合香港人凡事講變通既天性
黃子華句「搵食姐，犯法呀？」 同香港人成日講既「忠忠直直，終需乞食」都反映到香港人搵食至上既價值觀

懂得變通既另一面就係做人無原則 
男主角既老豆叫佢只要搵到錢，黑社會都照入。

男主角阿爸話：「你知唔知我地老細轉左邊個呀？共產黨呀！共產黨以前都係社團黎姐！」

一種搵錢高於道德原則既價值觀

電影男主角有句對白：「記得以前細個呢，老豆老母教我地做人最緊要腳踏實地，而家就叫我地唔好咁忠直，最緊要搵到錢。原來唔止香港變，連你最親既人都變埋。」

就係睇中香港人呢個性格，回歸之後，中共政府推行好多幫助推動香港經濟的優惠政策，「收買人心」 
只要香港人搵到食，話之跟英國事頭定中國老豆，香港人都唔會反對、唔會關心。




但係呀，雖然無原則，但在英國殖民時代長大的香港中年人還是無法拋棄舊一套，因為那是構成「自己」的一部份。
男主角的退伍軍人朋友：「我地當兵太耐喇」相反，香港警察好似可以一夜之間適應轉老細既巨大改變－－

「我地幾個鐘頭前換左老細。我地係差人，差人就要服從命令，唔駛理老細係邊個。」

這個對比恰巧可以套用在現今的香港上。
香港有很多人現在還在堅守回歸前信奉、執行的理念和處事手法，
用近年流行的詞彙形容，就是堅持香港「核心價值」的一群人；
相反，也有很多人覺得唔駛理老細係邊個，最緊要服從權威同命令。



電影接近結尾時，男主角在街上用手槍射殺、怒罵親弟（其實我也看不清他是不是李燦森）
這個行為表面可以解讀為他對親弟誤入歧途的痛心 
其實最主要是他把對社會遺棄自己的憤怒渲洩在對弟弟的身上
自己昔日擁有的光輝不再，多年來一直信奉的理念價值在一夜間變得一文不值
相反，這些只會從非法迷徑搵快錢的黃毛小子反而被家人重視

黑社會大佬：「喂，家賢，你有咩做人目標？」
男主角：「唔知呀，你話以前定而家？」
因為香港回歸，連做人既目標都要改變。

黑社會大佬： 「而家一夜之間，咩都係新架，連香港都好似一個BB仔一樣。家賢，我同你已經係一個老BB黎架喇。」

 
 著名香港影評人、現旅居北京的李照興（龐奴）如此提到：
「香港是問得最多自己身份的中國城市。這個異類究竟會導向哪方向？是感染其他中國城市都開始多問這種身份問題？還是再過一段日子，香港就會不再問這問題？的確，沒問題的話，藝術就不在存在。」






而家睇番九七年回歸放煙花時，人們在街上倒數歡呼既畫面其實幾諷刺
因為更多人在那一刻心裡暗自惆悵－－未來的自己或香港要怎麼定位？






回歸十五年過後，香港社會還是老樣子
2012年7月1日－－
天上五光十色，似是歌頌著熣燦繁榮，一片歌舞昇平的景象
地上的人們還是像蟻民一樣，不能自主地被害
這一年，煙花係咪特別多，我唔知，肯定無97年咁多（笑）
但示威特別多，我可以肯定。

這幅轉自Facebook 的照片，我用作cover photo 都兩個月lu。
黑夜中，煙火在天上爆放，地上的人們高舉示威和反政府的旗子
放煙花的爆炸聲掩蓋人民不滿和憤怒的聲音
煙花和人們之間還隔著那些位於金融中心的高樓大廈
高高在上的政府聽到人民的呼求嗎？還是充耳不聞呢？ 



「民主萬歲」、「平反六四」的口號仍在叫，馬路上依然分一部份成示威區，一部份照舊行車。


對大陸人的歧視依舊
電影裡，男主角一見到電車上有人吐痰就認定佢係「大陸喱」，
聽到佢講純正廣東話就即刻掉頭，當無事發生。 
（笑）呢d 感受真係香港人先會明白。






陳果導演可以再出來為香港人拍一套關於回歸後十五年的電影嗎？